Carmen decidiu establecerse como agricultora ecolóxica na Serra da Lousã nos anos oitenta. É cofundadora do Mercado do Botânico de Coimbra, onde fai fincapé na venda directa, que considera máis xusta tanto para as produtoras como para as persoas consumidoras. Sinala que as relacións de xénero no medio rural mudaron moito, síntoma dos cambios máis xerais da sociedade. No contexto da familia agrícola, destaca a importancia de observar as relacións de cooperación na división sexual do traballo agrario.